خاطره على النفود

وأنا على راس النفود..هاج القصيد.

.جتني خواطر ثايره..

جبت القلم(العصا)بكتب قصيد..

بخطها على الرمل..

بكتب خواطر قلتها ..يومك على بالي طريت..

يومي سهيره والنجوم..تشهد معي..

حتى الحطب..والنار..والنسمه العليل..

وأنا على ذاك النفود..

وشكل القمر مثل البدر..يضوي على ليلي الطويل..

وانا اتناجى والنجوم..تشهد معي....

يومك على بالي طريت..مادري وش اللي شدني..؟

وخلاك تحظر سهرتي..

يمكن :الليل والا القمروالا النجوم..

بس افتكرتك واذرفت عيني على خدي دموع..

وتدري..تمنيتك معي..

ساعة تذكرتك وقلت:

الله يامشغل خاطري..

وكملتها الباقي قصيد..

وخطيتها فوق النفود..على الرمل..

وعلمتها تحت القمر.

.والنجوم تشهد على كل القصيد

..ابيك تقرا قصتي

وابيك بيدك تمسحه

....وسلم على ذاك القمر ذاك البدر..

اللي ضوى ليلي الطويل..

وحي النجوم اللي عزفت ليلي معي..

واتخيل اللي كان متخيلك..

اللي على قلبه سطيت..

ويومك على باله طريت...

وخط القصيد ..اللي تحدر وانتثر..

فوق الرمل ....تحت القمر

..